Fagskulen maritim avdeling Måløy

Fagskulen i Måløy tilbyr 2-årig skipsoffisersutdanning, nautisk og skipsteknisk linje. Utdanninga gir fagkompetanse som  dekksoffiser (nautisk) eller maskinoffiser (skipsteknisk).

Studentane ved fagskulen får utdanning på leiarnivå, og får all den teorien som trengst for å løyse sertifikat på høgste nivå (etter STCW-95-konvensjonen).

Studiet er godkjend av Sjøfartsdirektoratet, NOKUT (Nasjonalt organ for kvalitet i utdanningen)  og sertifisert av Det Norske Veritas.

NUTF (Nasjonalt Utvalg for Teknisk Fagskole) har godkjent nye fagplaner for skipsoffiserutdanninga, der opplæringa blir gitt på to nivå, operativt nivå og leiarnivå, som dekkjer maskinoffisersertifikat klasse 4, 3, 2 og 1 eller dekksoffisersertifikat klasse 5, 4, 3, 2 og 1.

Det generelle kravet for opptak til 2-årig fagskule er: a) fullført og greidd vidaregåande opplæring med fagbrev. b) minst 5 års relevant praksis uten fagbrev, og med realkompetanse i felles allmenne fag tilsvarande læreplanane i GK og VKI i yrkesf. studier. c) søkjarar som kan dokumentere at dei skal gjennomføre fagprøve etter opptaksfristen.

Spesielle opptakskrav

Søkjarar til maritim utdanning må dokumentere greidd grunnleggande sikkerheitsopplæring (IMO60).

Mål og innhald i studiet

Målet for utdanninga byggjer på krav til kompetanse, kunnskap og forståing, haldningar og dugleik, slik det er definert i STCW; tabell A-II/I og AII/2 (nautisk) og tabell A-III/I og A-III/2 (skipsteknisk). STCW er minimumskravet og styrande for innhaldet i studiet. Du vil finne meir detaljerte opplysningar i Innformasjonshandboka.
  
Maritim utdanning ved Fagskulen i Sogn og Fjordane, Maritim avdeling Måløy blir kvalitetssikra gjennom skulen sitt kvalitetssystem, som er sertifisert av Det Norske Veritas etter reglane  om sertifisering av maritime akademier (Rules for the Certification of Maritime Academies) med bakgrunn i krav frå Sjøfartsdirektoratet og IMO.

Deltidstilbod

Dersom skulen har ledig plass på heiltidstudiet, er det høve til å søkje opptak som deltidsstudent. Studentar som tek studiet på deltid får tilbod om opplæring i høve til turnus hos arbeidsgjevar. Avtaler om praktisk opplæring blir utarbeidd i samarbeid med skulen, den enkelte student og arbeidsgjevar. Aktuelle element i planlegginga av studiet:

• Individuell tilpassing
• Samordning av fagmodular
• Tidsplanlegging
• Oppmøte i friperioden
• Fordjuping og prosjektarbeid
• Behov for opplæring i IKT
• Kvalitetssikring

Deltidstilbodet blir i regelen fordelt ut over ein periode på tre til fire år.

Sertifikatkrav

Opplæringa dekkjer kravet til teori for dei høgste maritime sertifikata i løpet av opplæringa, i høve til den internasjonale konvensjonen om normer for opplæring, sertifikat og vakthald for sjøfolk (STCW). Ein gjer derfor merksam på dei tilleggskrav om teori, praksis/fartstid, helse og vandel som gjeld for å løyse sertifikat.

Søknad

Det er Rogaland fylkeskommune som har ansvar for det nasjonale opptaket til fagskulane.  Du søkjer inntak til fagskulen primært elektronisk på www.vigo.no.

-søknadskjema bokmål  (les veiledninga side2!)

NB! All dokumentasjon skal sendast til den skulen som er førstevalet ditt.

Dersom du er interessert i å ta heile eller delar av studiet på deltid, tek du direkte kontakt med skulen