Elkraft - kurskode FTE035H

Ein fagteknikar med fordjuping innan elkraft kan leie og vere ansvarleg for planlegging, vedlikehald og installasjon av elektriske anlegg. Utdanninga dekkjer dei teoretiske krava for å kunne søkje autorisasjon som sakkunnig driftsleiar, installatør og kontrollør av el-installasjonar og som heisinstallatør.

Utdanninga kvalifiserer også for arbeid innan handel og rådgjeving, og for stillingar som maskinmeister, driftsingeniør, konstruktør, planleggjar, teknisk bearbeidar, serviceteknikar og faglærar i den vidaregåande skulen.

To vegar til Fagteknikar - Elkraft

• Ordinær 2-årig fagteknikarutdanning (4 skuledagar og 1 studiedag kvar veke). Neste oppstart hausten 2011.
• Nettbasert. Fagteknikarutdanning over 4 år (nettbasert kombinert med samlingar). 

Bachelor-grad

Fagskulen i Førde kan, for elkraftstudentar, legge til rette for inntak til 2-årig vidareutdanning til bachelor-grad i automasjon, ved ingeniørutdanninga i Førde. Då vert ein fagteknikar elkraft, og bachelor automasjon.