Kva kan vi få til saman?

I staden for lange, faste løp, tilbyr Fagskulen Vestland no stadig fleire utdanningar som korte modular. Bedrifter og tilsette kan plukke ut akkurat det dei treng – når dei treng det. Slik får verksemdene raskt påfyll av kompetanse, utan å sende folk bort frå jobben i lange periodar.

Tilgjengeleg, kompetent – og finansiert

Mange av tilboda blir finansierte gjennom ordningar som Industrifagskulen og Bransjeprogram. Det betyr at utdanninga ofte ikkje kostar meir enn innsatsen – og at ho er lagt opp for å kunne takast ved sidan av tilnærma full jobb.

Fagskulen Vestland har eit sterkt fagmiljø med erfaring frå både undervisning og bransje. Lærarane utviklar faginnhald i tett dialog med næringslivet, og tilpassar opplegget etter lokale behov. Fagskulen er fysisk til stades på store delar av Vestlandet, med åtte eigne campusar og godt samarbeid med studiesentera.

Sjå våre bransjemodular her

Praksisnær utdanning

Eit døme på godt samarbeid om praksisnær utdanning, er utdanninga i prosjektleiing som vart gjennomført for tilsette ved Stadyard, Ulvesund Elektro, Verlo, Måløy Verft og Fjordpipe, i samarbeid mellom Fagskulen Vestland og Studiesenter Kysten. Her fekk studentane kombinere utdanning med reelle prosjekt.

Dette var ei god erfaring. Vi hadde leita ei stund etter ei utdanning innan prosjektarbeid som var direkte relevant for oss som skipsverft. Det var lett å finne studiar innan prosjektleiing, men det var ei utfordring å finne eit som var bransjerelatert, og som kunne takast i våre lokale.

Glenn Paris, HR-ansvarleg hos Stadyard i intervju med Fjordenes Tidende