Studiestaden Hjeltnes

Studiestaden Hjeltnes

I vakre omgjevnader på studiestad Hjeltnes i Ulvik, tilbyr Fagskulen Vestland utdanning innan Arborist og Lokal matkultur. Begge desse utdanningane er einaste tilbodet i landet.

Hjeltnes ligg i Ulvik herad, innerst i Hardangerfjorden. Om lag 5 mil frå Voss, 15 mil frå Bergen og 35 mil frå Oslo.
Fagskulen har gode undervisningslokale, digitalt klasserom, bibliotek, eige kjøkken for studentane på lokal matkultur og eige utstyrsrom for arboristane.

Fagskulen held til på same området som Hardanger produksjonsskole. Produksjonsskolen driv gardsbruket med mellom anna produksjon av frukt og grønsaker, dyrehald og har eigen fiskebåt. Matproduksjon skjer i samarbeid med fagskoletilbodet Lokal matkultur.

Hardanger produksjonsskole har 2 internatbygg og leiger ut hyblar til studentar på fagskulen. Internatbygget har felles kjøkken og stove, vask på rommet og kvar gang deler dusj/toalett. I kantina blir det servert frukost, lunsj, middag og kveldsmat.

Sjå vår brosjyre for meir informasjon og søk studieplass på Samordna opptak

Besøksadresse:

Hjeltnesvegen 185, Ulvik