Arborist
Etterspurnaden etter kompetansen til arboristar er aukande. Fleire større offentlege bedrifter og kommunar stiller krav til denne kompetansen i anbod på vedlikehald av tre/grøntanlegg.
- Varigheit:
- 2 år
- Utdanningsform:
- Deltid, samlingsbasert
- Studiepoeng:
- 60, Fagskulegrad
- Neste oppstart:
- Ikkje oppstart i 2025
- Studieplan:
- Studiestad:
- Hjeltnes
Nå nye høgder
Som arborist arbeider du profesjonelt med tre. Arborist er eit fysisk yrke og gjennom studiet må alle studentane arbeida praktisk i trekronene. God fysikk og det å tole høgder er nødvendig.
Oppbygging og arbeidsmåtar
Arboristutdanninga er ei deltidsutdanning over 2 skuleår (60 studiepoeng). Du får opplæring mot arboristyrket gjennom teori/førelesningar, praktiske øvingar, oppgåveløysing både heime og i skole, prøvar/ testar og praksisdagar. Skolen bruker gode lærarar frå fagmiljøet i Noreg.
Det er ti samlingar i året, om lag ei veke i månanden. Dei fleste er lagt til studiestad Hjeltnes, men nokre samlingar blir også lagt til andre stader.
I tillegg til opplæring på skulen, må du ha praksis i bedrift. Det første året er det krav til 5 veker praksis i bedrift, det andre året 7 veker praksis. Du som student må sjølv skaffa deg praksisbedrift.
Opptak
Du kan søke studieplass på grunnlag av
- fullført vidaregåande utdanning i naturbruk
- landbruk
- gartnar
- studieførebuande naturbruk
- fagbrev
- anleggsgartnar
- skogfaget
- realkompetanse
Realkompetanse
Manglar du fagbrev, men har fyllt 23 år og har relevant erfaring, då kan du søke om opptak med realkompetanse.
Realkompetanse er all den relevante kompetansen du har skaffa deg gjennom utdanning, praktisk yrkeserfaring og deltaking i organisasjonar og liknande.
Krav til maskinvare
|
Operativsystem |
Windows 10/11 |
|
Prosessorserie |
Intel i5 Gen8, AMD Ryzen 5 Gen2 eller bedre |
|
Grafikkort |
- |
|
Minne (RAM) |
4GB eller meir |
|
Lagringsplass (SSD) |
128GB eller meir |
|
Skjerm |
FullHD 13” eller større |
Bli student
Spørsmål?
Servicetorget har telefontid mellom kl. 10:00 og 14:00 på kvardagar.
Tlf.: 55 33 78 00
Epost: fagskulenvestland@vlfk.no