Energirådgjevar – EMNE
Myndigheitene stiller stadig nye krav til energiøkonomisering i bygg. Med denne utdanninga får du 10 studiepoeng som gjev deg kompetanse som energirådgjevar.
- Varigheit:
- 4 månader
- Utdanningsform:
- Deltid, nett- og samlingsbasert
- Studiepoeng:
- 10
- Søknadsfrist:
- Neste oppstart:
- 5. januar 2027
- Studieplan:
- Studiestad:
- Førde
Energirådgjevar er ei kort utdanning på 10 studiepoeng som har hovudtema bygningsfysikk og energiberekning i bygg. Utdanninga gir innsikt i energiflyt og internlastar, og du får innsikt i dei ulike varme- og ventilasjonsprinsippa.
Med denne utdanninga kan du mellom anna utvikle planar for energirehabilitering basert på variablar som klima, geografi og åtferd/bruk.
Kompetanse og jobbmoglegheiter
Denne utdanninga gjev deg kompetanse som energirådgjevar.
Studiet er identisk med eitt av emna i studieplanen til studiet Grøn omstilling i byggebransjen, ei ny utdanning på 60 studiepoeng. Studentar som har fullført bransjemodulen, kan søke om å få denne godkjent om dei seinare vil studere Grøn omstilling i byggebransjen.
Oppbygging og arbeidsmåtar
Programmet er på 10 studiepoeng, og går over ca. 4 månader. Kurset er nettbasert med ei fysisk og to digitale samlingar.
På den fysiske samlinga er det lagt opp til praktisk arbeid med lab, med påfølgande arbeid mellom samlingane.
Undervisninga føregår på dagtid. I tillegg er det lagt opp til rettleiingsøkter på ettermiddag og kveld mellom samlingane.
I undervising og vurdering er det lagt opp til mykje prosjektarbeid, både individuelt og i gruppe.
Kostnader
Denne utdanninga er gratis.
Opptak
Emnet har løpande opptak. Det betyr at kvalifiserte søkarar blir tatt inn i den rekkefølga dei søker. Behandling av opptaket skjer etter søknadsfrist.
Du kan søke studieplass dersom du har dokumentasjon på
- fullført og bestått vidaregåande opplæring med relevant fagbrev i
- betongfaget
- byggdriftarfaget
- feiarfaget
- glasfaget
- isolatørfaget
- kulde- og varmemontørfaget
- murarfaget
- røyrleggjarfaget
- tak- og membrantekkjarfaget
- trelastfaget
- trevare- og bygginnreiingsfaget
- tømrarfaget
- ventilasjons- og blekkslagarfaget
Realkompetanse
Manglar du fagbrev, men har fyllt 23 år og har relevant erfaring, då kan du søke om opptak med realkompetanse.
Det er viktig at du sender med dokumentasjon på relevant praksis og erfaring.
Samlingsplan vår 2027
| Dato | Tidspunkt | Stad |
| 05.jan | 0815-1515 | Digital |
| 06.jan | 0815-1515 | Digital |
| 09.feb | 0920-1515 | Fysisk i Førde |
| 10.feb | 0815-1515 | Fysisk i Førde |
| 11.feb | 0815-1405 | Fysisk i Førde |
| 09.mar | 0815-1515 | Digital |
| 10.mar | 0815-1515 | Digital |
Det er sett opp rettleiingstimar på kveldstid mellom kvar samling.
Frist for innlevering av mappe til vurdering er 21. mars.
Bli student
Spørsmål?
Servicetorget har telefontid mellom kl. 10:00 og 14:00 på kvardagar.
Tlf.: 55 33 78 00
E-post: fagskulenvestland@vlfk.no