Skreddarsydde KI-system

Samspel mellom KI og menneskeleg intelligens  

Eit sentralt fokus i utdanninga er korleis KI og menneskeleg intelligens kan utfylle kvarandre. Du lærer korleis KI kan forsterke menneskelege evner – ikkje erstatte dei. Målet er å utvikle løysingar som gjer fagleg innsikt, erfaring og vurderingsevne endå meir verdifulle.  

EU eller USA?  

Ein viktig del av utdanninga er å bruke KI på ein trygg, ansvarleg og lovleg måte. Du lærer korleis plattformer som OpenAI og Mistral.ai fungerer: 

• OpenAI er ein USA-basert leverandør  
• Mistral.ai er ein aktør basert i EU  

Du får innsikt i korleis desse plattformene handterer data, og korleis du byggjer ein bot som behandlar informasjon sikkert, ivaretek personvern og sikrar at verksemda følgjer gjeldande lover, standardar og interne retningslinjer.  

Val av språkmodellar og bruk av lokal KI  

Du får også innsikt i korleis du vel rett språkmodell til rett oppgåve – ein nøkkelkompetanse i dagens KI-arbeid. Vi jobbar med både store, skybaserte språkmodellar  og lokal kunstig intelligens.  

Du lærer korleis lokal KI gir betre kontroll, lågare kostnader, høgare datasikkerheit og moglegheit for å køyre KI på eiga maskinvare eller interne serverar. Samtidig får du forståing for når det er mest hensiktsmessig å nytte store, skybaserte modellar – og korleis desse kan kombinerast for å skape robuste og skalerbare løysingar.  

Nettbasert og praksisnær  

Utdanninga gir 5 studiepoeng, er reint nettbasert og utvikla for å passe inn i ein travel arbeidskvardag. Du jobbar med reelle problemstillingar frå eigen arbeidsplass og utviklar eigne KI-løysingar undervegs – slik at du sit igjen med kompetanse som gir direkte nytteverdi for di bedrift.  

Eit studium på 5 studiepoeng blir rekna som 125 timars arbeid. Dette inkluderer forelesingar, seminar, sjølvstudium og eksamensførebuingar. 

Målgruppa for denne utdanninga inkluderer rådgivarar, prosjekt- og byggjeleiarar, tekniske entreprenørar, leverandørar, samt drifts- og vedlikehaldsleiarar. Ho rettar seg også mot montørar, VVS-teknikarar, elektroingeniørar og saksbehandlarar som arbeider med tekniske fag i byggje- og anleggssektoren. I tillegg er utdanninga relevant for fagfolk innan fornybar energi, som sol- og vindkraft, som ønskjer å setje i verk kunstig intelligens (KI) i sine arbeidsprosessar for å fremje berekraftige løysingar. 

•  Presentasjonsmappe med fire læringsnotat, fire quizar og ei fagleg oppgåve. 
• Vurdering med bestått/ikkje bestått av faglærar.

Du kan søke studieplass på grunnlag av

fullført og bestått vidaregåande opplæring med relevant fagbrev i 

• automatiseringsfaget 

• avionikarfaget 

• dataelektronikarfaget 

• elektrikarfaget 

• elektroreparatørfaget 

• energimontørfaget 

• energioperatørfaget 

• fjernstyrte undervasssoperasjonar 

• flymotormekanikarfaget 

• flystrukturmekanikarfaget 

• flysystemmekanikarfaget 

• heismontørfaget 

• kulde- og varmepumpemontørfaget 

• maritim elektrikarfaget Vg4 

• produksjonselektronikarfaget 

• signalmontørfaget 

• tavlemontørfaget 

• telekommunikasjonsmontørfaget 

• togelektrikarfaget 

• viklar- og transformatormontørfaget 

• viklarfaget 

Realkompetanse

Manglar du fagbrev, men har fyllt 23 år og har relevant erfaring, då kan du søke om opptak med realkompetanse. Realkompetanse er all den kompetansen du har skaffa deg gjennom utdanning, praktisk yrkeserfaring og deltaking i organisasjonar og liknande. Det er viktig at du sender med dokumentasjon på relevant praksis og erfaring.

Les meir om realkompetanse

Denne utdanninga er gratis.

Du må likevel pårekne ca. 1000 kroner for blant anna å opprette eige domene og webhotell.

Dette studiet er ein del av Industripiloten for etterutdanning av industriarbeidarar. Det betyr at bedrifter som er medlem i Norsk Industri kan søke Industriens kompetansefond om lønsrefusjon for inntil to veker for tilsette som deltek i og gjennomfører tilbodet.

Les om Industriens kompetansefond og korleis du søker støtte her

Ein treng sjølvsagt ikkje vere omfatta av ein tariffavtale for å ta dette studiet.

Samlingsplan nettbasert Gruppe D

I tillegg til samlingsplanen blir det rettleiing individuelt eller i grupper, slik at du får målretta læring tilpassa dine behov. Stipulert tidsbruk er 125 timar på ei utdanning på 5 studiepoeng.

Frist for innlevering 16. mars 2026 (mappene blir lukka).

Bergen  - oppstart 8. september 2025

Nordfjordeid - oppstart 9. september 2025

Nettbasert 1 (B) - oppstart 15. september 2025

Nettbasert 2 (A) - oppstart 16. september 2025