Leiing og produktivitet for bas og lagleiar i bygg- og anleggsbransjen

Kunnskap
Kandidaten

• har kunnskap om korleis leiing påverkar produktivitet, framdrift og trivsel på byggjeplassen
• kjenner til prosessar og verktøy knytt til framdriftsplanlegging på ulike nivå (hovudplan, 4-vekersplan, leveranse- og riggplan)
• har innsikt i logistikk og ressursstyring for å unngå flaskehalsar, og kjenner til korleis dette påverkar prosjektøkonomi og HMS
• kjenner til krav til HMS, kvalitet og dokumentasjon (t.d. SJA, RUH, vernerunder, KS-system, risikoanalyse, arbeid i høgda, stillas)
• har kunnskap om digital byggeplass og bruk av verktøy som BIM, IFC og databasar for planlegging og kommunikasjon
• kjenner til bransjen si historie, tradisjonar og eigenart, og forstår rollene i prosjektorganisasjonen og deira ansvar
• har innsikt i eigne utviklingsmoglegheiter som formann eller byggeplassleiar

Ferdigheiter
Kandidaten

• kan utarbeide, oppdatere og bruke hovudplan, 4-vekersplan, leveranse- og riggplan som styringsverktøy
• kan fordele oppgåver, følgje opp underentreprenørar og leverandørar, og samordne aktivitetar på byggjeplassen
• kan gjennomføre, dokumentere og vurdere HMS- og KS-arbeid i tråd med gjeldande normer og krav
• kan bruke digitale verktøy for planlegging, oppfølging, kommunikasjon og dokumentasjon
• kan bruke prinsipp for logistikk og riggplanlegging til å sikre effektiv og trygg drift på byggjeplassen.

Generell kompetanse
Kandidaten

• kan planlegge og gjennomføre yrkesretta oppgåver og prosjekt frå oppstart til ferdigstilling, med vekt på kvalitet, økonomi, HMT og framdrift
• forstår korleis formenn og byggeplassleiarar bidreg til produktivitet, arbeidsmiljø og organisasjonsutvikling
• forstår forskjellen mellom utførings- og totalentreprise, og kjenner varslingsrutinane i gjeldande kontraktsstandard.

Studiet er nettbasert og  undervisninga skjer gjennom webinar via videokonferanseverktøyet Teams. Studiet består av fem samlingar fordelt på åtte veker, med første samling i veke 10. Samlingane er på dagtid.

 Det er ein individuell obligatorisk læringsaktivitet og eit individuelt vurderingskrav. Vurderingsforma er godkjent/ikkje godkjent.

Det er løpande opptak.

Du kan søke studieplass på grunnlag av fullført og bestått vidaregåande opplæring med relevant fagbrev i:

• Anleggsgartnarfaget
• Anleggsmaskinførarfaget
• Anleggsrørleggarfaget
• Asfaltfaget
• Automatiseringsfaget
• Banemontørfaget
• Betongfaget
• Brønn- og borefaget
• Byggdriftarfaget
• Energimontør
• Feiarfaget
• Fjell- og bergverksfaget
• Forskalingssnekkar
• Fundamenteringsfaget
• Glasfaget
• Industrimålarfaget
• Isolatørfaget
• Kulde- og varmepumpemontørfaget
• Limtreproduksjonsfaget
• Murarfaget
• Målarfaget
• Røyrleggjarfaget
• Steinfaget
• Stillasbyggjarfaget
• Tak- og membrantekkjarfaget
• Trelastfaget
• Trevare- og bygginnreiingsfaget
• Tømrarfaget
• Veg- og anleggsfaget
• Vegdrift- og vegvedlikehaldsfaget
• Ventilasjons- og blekkslagarfaget

Realkompetanse
Manglar du fagbrev, men har fyllt 23 år og har relevant erfaring, då kan du søke om opptak med realkompetanse.

Realkompetanse er all den kompetansen du har skaffa deg gjennom utdanning, praktisk yrkeserfaring og deltaking i organisasjonar og liknande.

Det er viktig at du sender med dokumentasjon på relevant praksis og erfaring.

Les meir om realkompetanse

Denne utdanninga er gratis.

Samlingane er på nett. Undervisning gjennom webinar på Teams.

Powerpointar som vert gjennomgått i undervisning.

Norsk Standard og relevante tekniske forskrifter.