EKOM

EKOM fordjupingsmodul på 15 studiepoeng er utvikla for fagarbeidarar og teknikarar som ønsker å styrke kompetansen sin innan elektronisk kommunikasjon og møte behova i ein bransje som er i rask utvikling. Modulen gir ei solid og yrkesretta fordjuping som kombinerer teori, regelverk og praktiske oppgåver. Dette gjer deltakarane i stand til å forstå, planlegge, installere og vedlikehalde moderne EKOM-løysingar som er avgjerande for dagens digitale samfunn. 

Gjennom ein variert undervisningsmodell – med nettbaserte forelesingar, praksisnære øvingar og fagleg refleksjon – utviklar studentane ei heilskapleg forståing av EKOM-nettverk og teknologiske trendar. Modulen tek for seg emne som strukturert kabling, kvalitetssikring og dokumentasjon. Det blir lagt særleg vekt på gjeldande lover og forskrifter, slik at studentane kan utføre arbeid i tråd med myndigheitskrav og bransjestandardar.

Fullført fordjupingsmodul kan også inngå som ein del av grunnlaget for å bli kvalifisert person ved søknad om ekomautorisasjon. For å oppfylle krava må søkaren kunne dokumentere utdanning tilsvarande toårig fagskule innan elektro med fordjuping i elektroniske kommunikasjonsfag, samt minst eitt års relevant praksis. Modulen gir den nødvendige faglege fordjupinga som inngår i dette kvalifikasjonsgrunnlaget. 

EKOM-bransjen treng fagpersonar med oppdatert kunnskap og evna til å handtere den teknologiske utviklinga som pregar industri, infrastruktur og samfunn. Med denne fordjupingsmodulen får studentane kompetansen som trengst for å bidra til trygg, effektiv og moderne EKOM-infrastruktur og tek eit viktig steg vidare i si profesjonelle utvikling.  

Du kan søke studieplass på grunnlag av

fullført og bestått vidaregåande opplæring med relevant fagbrev i:

• automatiseringsfaget
• avionikerfaget
• dataelektronikarfaget
• elektrikarfaget
• elektroreparatørfaget
• energimontørfaget
• energioperatørfaget
• fjernstyrte undervannsoperasjonar
• flymotormekanikarfaget
• flystrukturmekaninkarfaget
• flysystemmekanikarfaget
• heismontørfaget
• kulde- og varmepumpemontørfaget
• låsesmedfaget
• maritim elektrikarfaget (Vg4)
• produksjonselektronikarfaget
• romteknologifaget
• signalmontørfaget
• tavlemontørfaget
• telekommunikasjonsmontørfaget
• togelektrikarfaget
• ventilasjonsteknikkfaget
• viklarfaget
• viklar- og transformatormontørfaget

realkompetanse:

Manglar du fagbrev, men har fyllt 23 år og har relevant erfaring, då kan du søke om opptak med realkompetanse. Realkompetanse er all den relevante kompetansen du har skaffa deg gjennom utdanning, praktisk yrkeserfaring og deltaking i organisasjonar og liknande.

Les meir om realkompetanse

Denne utdanninga er gratis

 NEK 701 og 702
Desse kan ein få tilgang til gjennom studentabonnement på standart.no: Abonnement for studenter