Energioverføring og høyspennteknologi
Dette eittårige deltidsstudiet gir ei praksisnær og målretta innføring i høgspenningsteknologi, elektromagnetisk kompatibilitet (EMC), elektriske installasjonar og arbeid i eksplosjonsfarlege område (EX).
- Varigheit:
- 1 år deltid
- Utdanningsform:
- Deltid, nett- og samlingsbasert
- Studiepoeng:
- 30, Halvårsutdanning
- Søknadsfrist:
- Neste oppstart:
- Haust 2026
- Studieplan:
- Studiestad:
- Bergen
Utdanninga er utvikla for fagfolk i arbeid som ønskjer å oppdatere og styrke kompetansen sin raskt og relevant, og er tett knytt til konkrete behov i industrien og leverandørmiljøa i Noreg. Studiet kan kombinerast med full jobb og gir fagleg påfyll som kan takast direkte i bruk i arbeidskvardagen.
Om studiet
Utdanninga passar særleg for elektrikarar, automatikkarar, industrimekanikarar, driftsoperatørar, energimontørar og anna teknisk personell i maritim industri, prosessindustri, offshore, kraft- og energisektoren og leverandørindustrien. Mange verksemder opplever no auka krav til dokumentert kompetanse og meir komplekse arbeidsoppgåver, kombinert med ei rask utvikling av digitale løysingar og nye teknologiar. Dette studiet gir fagarbeidarar eit tydeleg fortrinn og styrker både fagleg tryggleik og handlingskompetanse.
Studiet kan kombinerast med korte (30 studiepoeng) eller lengre (120 studiepoeng) utdanningar innan robotteknologi eller automatisering. Til saman gir dette eit fleksibelt og modulbasert kompetansegrunnlag som kan brukast som byggesteinar i ei fullverdig fagskuleutdanning, med moglegheit for å få godkjent allereie fullførte emne.
Kompetanse og jobbmoglegheiter
Studentane får solid fordjuping i moderne høgspenningsanlegg, sikker drift og vedlikehald, forskriftskrav, EX-arbeid og EMC i elektriske installasjonar. Undervisninga kombinerer teori, laboratoriearbeid og praktiske øvingar. Målet er at studentane skal forstå teknologien, vurdere risiko og ta gode faglege avgjerder i situasjonar som krev presisjon, sikkerheit og dokumentert kompetanse.
Opptak
Du kan søke studieplass på grunnlag av
- fullført og bestått vidaregåande opplæring med relevant fagbrev i
- Automatiseringsfaget
- Avionikarfaget
- Dataelektronikarfaget
- Droneoperatørfaget
- Elektrikarfaget
- Elektroreparatørfaget
- Energimontørfaget
- Energioperatørfaget
- Fjernstyrte undervassoperasjonar
- Flymotormekanikarfaget
- Flystrukturmekanikarfaget
- Flysystemmekanikarfaget
- Heismontørfaget
- Kulde- og varmepumpeteknikkfaget
- Låsesmedfaget
- Maritim elektrikarfaget vg3 i bedrift
- Optronikarfaget
- Produksjonselektronikarfaget
- Romteknologi
- Signalmontørfaget
- Tavlemontørfaget
- Telekommunikasjonsmontørfaget
- Togelektrikarfaget
- Ventilasjonsteknikkfaget
- Viklarfaget
- Kulde- og varmepumpemontørfaget
- Viklar- og transformatormontørfaget
- realkompetanse
Realkompetanse
Manglar du fagbrev, men har fyllt 23 år og har relevant erfaring, då kan du søke om opptak med realkompetanse.
Realkompetanse er all den relevante kompetansen du har skaffa deg gjennom utdanning, praktisk yrkeserfaring og deltaking i organisasjonar og liknande.
Bli student
Spørsmål?
Servicetorget har telefontid mellom kl. 10:00 og 14:00 på kvardagar.
Tlf.: 55 33 78 00
Epost: fagskulenvestland@vlfk.no