Moderne måleteknikk

Læringsutbyte i følge studieplanen: 

Kunnskap

• Studenten skal ha kunnskap om sentral fagterminologi som t.d. trigger, aliasing, samplingsfrekvens, inn- og utgangsimpedans.
• Studenten skal ha forståing for kva parametrar i måleinstrument som avgrensar bruken og medfører uakseptable målefeil.

Ferdigheiter

• Studenten skal kunne gjere greie for skilnadene mellom single ended og differensielle instrument.
• Studenten skal både kunne kople opp moderne universalinstrument rett og stille det inn til aktuelle målingar.
• Studenten skal kunne kalibrere måleprobar.
• Studenten skal kunne gjennomføre måling, logging og samanlikning av signal ved bruk av fleire kanalar.
• Studenten skal kunne setje opp eit moderne universalinstrument for analyse av dataoverføring frå minst éin type overføringsprotokoll.

Generell kompetanse

• Studenten skal sjølvstendig kunne velje rett instrument og tilleggsutstyr til problemstillinga.
• Studenten skal sjølvstendig kunne kople opp instrument på ein måte som ikkje medfører risiko for skade på helse, instrument eller måleobjekt.
• Studenten skal vere i stand til å diskutere måletekniske problemstillingar med fagfeller.

Denne modulen er ein del av fagskuleutdanninga Automatisering på 120 stp. Gjennomførte modular kan seinare gi grunnlag for å søke fritak i ulike emne om ein tenker å gjennomføre ei full fagskuleutdanning.

Studiet er nett- og samlingsbasert og undervisninga skjer gjennom webinar via videokonferanseverktøyet Teams. Studiet består av fem samlingar fordelt på fem veker, der tredje samlinga er fysisk på lab i Førde. Samlingane er på dagtid. Mellom samlingane er det eigenstudiar.

Arbeidsmengde

• Timeplanfesta timar: 20
• Eigenstyrt aktivitet: 105

Tider oppgitt i klokketimar (60 min.)

Arbeidsinnsats

Timeplanfesta timar er timane som ligg i timeplan på samlingar. Desse timane er på dagtid. Eigenstyrt aktivitet er arbeidet du som student bør legge ned utanom timane som er timeplanfesta. Dette inkluderer mellom anna arbeid med innleveringar, gruppearbeid og ekstratimar på kveldstid med lærar etter nærare avtale. I tillegg er det i desse timane sjølvstudium i form av førebuing til timar, lese fagstoff med meir.

Vurdering

Mappevurdering som består av:

• To læringsnotat.
• ·Individuelt case.

Dei to læringsnotata tel 15 % kvar. Caset tel 70 %. Vurderingsuttrykk er karakterane A til F.

Denne utdanninga er gratis.

Dette studiet er ein del av Industripiloten for etterutdanning av industriarbeidarar. Bedrifter kan søke Industriens kompetansefond om lønsrefusjon for inntil to veker for tilsette som deltek i og gjennomfører tilbodet.

Les om Industriens kompetansefond og korleis du søker støtte her

Studiet passar også for dei som er omfatta av andre tariffavtalar enn Industriovereinskomsten.

Eit studium på 5 studiepoeng blir rekna som 125-150 timars arbeid. Dette inkluderer forelesingar, seminar, sjølvstudium og eksamensførebuingar.

Det er løpande opptak

Du kan søke studieplass på grunnlag av  fullført og bestått vidaregåande opplæring med relevant fagbrev i

• anleggsmaskinmekanikerfagbrevet 
• automatiseringsfaget
• avionikarfaget
• bilfag, lett kjøretøy
• bilfag, tungt kjøretøy
• dataelektronikarfaget
• elektrikarfaget
• elektroreparatørfaget
• energimontørfaget
• energioperatørfaget
• fjernstyrte undervassoperasjonar
• flymotormekanikarfaget
• flystrukturmekanikarfaget
• flysystemmekanikarfaget
• heismontørfaget
• industrimekanikerfaget
• kulde- og varmepumpemontørfaget
• landbruksmaskinmekanikerfaget
• maritim elektrikarfaget Vg4
• motormekanikerfaget
• motorsykkelfaget
• produksjonselektronikarfaget
• signalmontørfaget
• tavlemontørfaget
• telekommunikasjonsmontørfaget
• truck- og liftmekanikerfagbrev
• togelektrikarfaget
• viklar- og transformatormontørfaget
• viklarfaget
• motorsykkelfaget

Realkompetanse

Manglar du fagbrev, men har fyllt 23 år og har relevant erfaring, då kan du søke om opptak med realkompetanse.

Realkompetanse er all den relevante kompetansen du har skaffa deg gjennom utdanning, praktisk yrkeserfaring og deltaking i organisasjonar og liknande. Les meir om realkompetanse her.

• Programvara «TiePie Multi Channel». Den kan brukast utan fysisk instrument. Gratis nedlastbart frå Internett.
• Stoff lagt ut på læringsplattforma.
• Artiklar frå TiePie og Pico Technology.
• Fordel med eige USB universalinstrument, men ikkje påkravd.

Krav til maskinvare – PC med win 10 eller nyare