Akutt og kronisk sjuke: observasjon, vurdering og handtering

Studiet skal styrkje helsearbeidarane si evne til å oppdage tidlege teikn på funksjonssvikt eller forverra helsetilstand, slik at tiltak kan setjast inn på rett tidspunkt. Dette bidrar til betre pasientoppfølging og redusert behov for sjukehusinnleggingar.   

Gjennom denne vidareutdanninga vil fagarbeidarar bli betre rusta til å møte utfordringane i eit stadig meir komplekst helsevesen.   

Studiet kombinerer teoretisk kunnskap og praktisk trening for å gje studentane spisskompetanse i observasjonsteknikkar, vurderingsmetodar og etiske problemstillingar innan helse- og omsorgstenesta.   

Tilbodet er forankra i Helsedirektoratet sine føringar for kompetansebehov og oppgåvegliding, og er i tråd med NOU 2023:4 Tid for handling og Kompetanseløftet 2025, som vektlegg utvikling av karrierevegar og styrking av kompetansen i helse- og omsorgstenesta.   

Studiet gir 60 studiepoeng og fører fram til full fagskulegrad. Kvart emne gir 10 studiepoeng, og det er mogleg å ta emna enkeltvis.   

Skulen legg stor vekt på individuell tilrettelegging i samsvar med fagskuleforskrifta, og byggjer gode relasjonar mellom student og faglærar. Dette skal bidra til tett oppfølging og rettleiing ut frå studentane sine faglege føresetnader, og redusere risikoen for fråfall.  

Studiet er tilrettelagt for å kunne kombinerast med både arbeidsliv og familieliv. Undervisninga er nettbasert, med 1–2 simuleringsdagar per emne, og kvart emne varer i 10–12 veker.   

Denne fleksible strukturen gjer det mogleg for arbeidsgjevarar å oppretthalde drifta samstundes som dei tilsette tek vidareutdanning.  

Skulen nyttar digital læringsplattform som hovudarena for undervisning, kommunikasjon og rettleiing. Studentane får oppfølging gjennom obligatoriske læringsaktivitetar, vurderingsoppgåver og faglege samtalar.   

Alle vurderingsoppgåver vert vurderte til Bestått / Ikkje bestått. Fullført fagskulegrad på 60 studiepoeng gir vitnemål.   

Alle helsefaglege utdanningar ved Fagskulen Vestland krev politiattest, jf. Lov om høgare yrkesfagleg utdanning (fagskulelova) §27. Politiattesten skal visast fram ved studiestart.
Vi ber om at de ikkje sender inn politiattestar på e-post, då dette kjem i konflikt med gjeldande lov om personvern.

Skulen gjennomfører skikkavurderingar jf. Fagskulelova §26.

• Relevant fagbrev som helsefagarbeidar, hjelpepleiar, omsorgsarbeidar, ambulansearbeidar eller helsesekretær (med minst to års relevant praksis).   
• Generell studiekompetanse, jf. Nasjonalt kvalifikasjonsrammeverk nivå 4, med autorisasjon som sjukepleiar eller vernepleiar.   
• Søkjarar som kan dokumentere at dei skal gjennomføre fagbrev etter opptaksfristen, kan få plass på vilkår om bestått fagprøve i løpet av første semester. Lærekontrakt skal leggjast ved søknaden.   

• realkompetanse

Realkompetanse
Søkjarar som ikkje har fagbrev, og som har fylt 23 år, kan søkje opptak på grunnlag av realkompetanse.
Realkompetanse er all relevant kompetanse ein person har skaffa seg gjennom utdanning, yrkeserfaring og deltaking i organisasjonar eller liknande.