Måløy

Studiestad Måløy er enklast å nå på telefon 415 30690 (ikkje sms)

Studiestaden Måløy har god oppfølging og godt studiemiljø. Med små klassar kan vi vere tett på studentane. Det blir satsa i Måløy, og i den anledning har fylket vedteke å byggje nytt skulebygg til Fagskulen.

Fagskulen er no samlokalisert med den maritime og marine avdelinga til Måløy vidaregåande skule. Samlokaliseringa gjer at vi er ein del av eit sterkt fagleg miljø, med mykje maritim og marin kompetanse samla på ein stad.

Vi tilbyr desse utdanningane:

Søk studieplass på Samordna opptak.

Om Måløy

Kystbyen Måløy ligg i Nordfjord, nord i Vestland fylke.

Måløy har eit stort, variert og kompetent næringsliv. Her er mange eksportbedrifter og ein mangfaldig industri. Fleire fiskerirelaterte bedrifter og skipsverft i området har gått saman og danna Måløy Maritime Group. Mange unge innovatørar og gründerar har starta bedrifter innan ny teknologi i området. Det satsast også på grønn energi og landbasert oppdrett.

Naturen rundt oss byr på mange flotte opplevingar, Det er kort avstand til surfemiljøet i Ervik og Hoddevik. Ein kan også ta turen innover Nordfjorden, der finn vi bl.a. Sagastad, Hoven Skylift og fleire skianlegg.

Måløy har daglege anløp av Hurtigruta. Det går ekspressbuss til Oslo og ekspressbåt til Bergen fleire ganger om dagen. Til næraste flyplass brukar ein ca. 90 minutt.