Framtidsretta bygg i praksis – EMNE
Emnet gir ei praktisk innføring i korleis berekraft, sirkulærøkonomi og energieffektive løysingar blir nytta i byggeprosjekt.
- Varigheit:
- 5 månader
- Utdanningsform:
- Deltid, nettbasert
- Studiepoeng:
- 10
- Neste oppstart:
- Planlagt vår 27
- Studieplan:
- Studiestad:
- Førde
Studentane lærer å bruke miljøkrav, kontraktar, tilstandsanalysar og ombrukskartlegging, samt berekne energibehov og vurdere energi- og klimatiltak. Emnet gir òg innsikt i korleis nye krav og den grøne omstillinga påverkar ressursbruk, arbeidsprosessar og samarbeid i byggjebransjen.
Tema som inngår i emnet:
- Framtidsretta verksemdutvikling
- Energi, inneklima og klimatilpassing
- Praktisk miljøleiing og ombrukskartlegging
Oppbygging og arbeidsmåtar
Emnet er på 10 studiepoeng, og går over 5 månader. Kurset er nettbasert med digitale samlingar.
Undervegs skal du levere éi skriftleg oppgåve før avsluttande mappevurdering.
Vurdering
Vurderingsmappe som består av:
- Ein praktisk grupperapport
- Ein energivurdering av ein einebustad
Vurdering bestått/ikkje bestått
Opptak
Emnet har løpande opptak. Det betyr at kvalifiserte søkarar blir tatt inn i den rekkefølga dei søker. Behandling av opptaket skjer etter søknadsfrist.
Du kan søke studieplass dersom du har dokumentasjon på relevant fagbrev eller realkompetanse.
Realkompetanse
Dersom du er 23 år og har relevant erfaring, kan du søke om opptak med realkompetanse.
Det er viktig at du sender med dokumentasjon på relevant praksis og erfaring.
Kostnader
Denne utdanninga er gratis.
Bli student
Spørsmål?
Servicetorget har telefontid mellom kl. 10:00 og 14:00 på kvardagar.
Tlf.: 55 33 78 00
E-post: fagskulenvestland@vlfk.no