Tilrettelegging

 

Du har rett til å søke om tilrettelegging av undervisning og vurdering.

Tilrettelegginga skal ikkje føre til reduksjon av dei faglege krava, men skal hjelpe deg til å gjennomføre dersom du har funksjonsnedsetting eller særskilde behov. 

Eksempel på tilrettelegging er: 

• tilrettelagde prøver og eksamenar
• tilrettelagd undervisning
• utsetting av oppgåvefristar
• oppfølgingssamtalar
• individuell tilrettelegging av/på studiestad

Fristar: Søknad om tilrettelagt undervisning og vurdering sendast så snart som mogleg, men seinast innan: 

• 1. oktober for haustsemesteret 
• 1. februar for vårsemesteret

Akutt behov: Dersom det oppstår eit tilretteleggingsbehov etter at søknadsfristen har gått ut, må du sende inn ein akuttsøknad så snart behovet for tilrettelegging oppstår. Det må kome fram i dokumentasjonen at behovet har oppstått etter søknadsfristen. Vi kan dessverre ikkje garantere at søknader som kjem inn etter fristen blir innvilga. Dersom det ikkje er mogleg å tilretteleggje for den aktuelle eksamenen, kan du søkje om gyldig fråvær.

Behovet for tilrettelegging skal dokumenterast på nytt kvart semester. Dersom grunnlaget for tilrettelegginga er av permanent karakter, er dette ikkje naudsynd. Du får beskjed om dette. 

Det finst også fleire offentlege tilbod som kan bidra til å gjere kvardagen din enklare:

 

• Studentsamskipnaden Saman tilbyr blant anna studentrådgjeving, studentbustader, helsetenester og aktuelle kurs.
• Tibi - Biblioteket for tilrettelagt litteratur produserer litteratur i alternativt format for blinde og synshemma studentar. 
• NAV har fleire aktuelle tenester som for eksempel hjelpemiddelsentral, lese- og skriveverktøy. Dei tilbyr også mentorordning for studentar som har behov for ekstra oppfølging.