Solenergi: Distribuerte energisystem, nettintegrasjon og systemutfordringar - MODUL
Studentane får gjennom denne modulen kjennskap til handtering av utfordringar og problemstillingar som nettilkopling og spenningskvalitet, samt framtidsretta teknologi, bruk av kunstig intelligens og digital sikkerheit med fokus på solcelleanlegg. Det blir også gitt ei innføring i fleksibilitetsmarknader og energiprising, inkludert tariffsystem som effekt- og spotprisar, styring basert på prissignal og prognosar.
- Varigheit:
- 10 veker
- Utdanningsform:
- Deltid, nett- og samlingsbasert
- Studiepoeng:
- 10
- Neste oppstart:
- Haust 26
- Studiestad:
- Førde
Modulen gir innsikt i utfordringar og problemstillingar med nettilkopling, spenningskvalitet, framtidsretta teknologi, tilknytingsvilkår, digital sikkerheit, relevante regelverk og kva krav som gjeld for nettilknytning, deling av produksjon, energilagring og frekvensstyring med særleg fokus på solcelleanlegg og deira påverknad på elektrisitetsnettet.
Studentane får kjennskap til framtidsretta teknologi, maskinlæring og kunstig intelligens for overvaking, styring, optimalisering, prediktivt vedlikehald, regulering av spenning og frekvens i distribuerte energisystem. Det blir også gitt ei innføring i fleksibilitetsmarknader og energiprising, inkludert tariffsystem som effekt- og spotprisar, styring basert på prissignal og prognosar.
Dette studiet gir kompetanse innan planlegging og montering av solcelleanlegg, men det gir ikkje elektroautorisasjon. Alt arbeid på elektriske anlegg må utførast av ein registrert elvirksomhet med fagleg ansvarleg installatør og kvalifisert elektrofagarbeidar.
Oppbygging og arbeidsmåtar
Studiet blir gjennomført nettbasert med samlingar.
Utdanninga er fleksibelt tilrettelagt som deltidsstudium, og kan kombinerast med full jobb.
Studieløpet utgjer ikkje ei full fagskuleutdanning, men gir formell kompetanse på fagskulenivå.
Opptak
Du kan søke studieplass dersom du har dokumentasjon på fullført og bestått vidaregåande opplæring med relevant fagbrev.
Sjå liste over fagbrev her.
Opptak på grunnlag av realkompetansevurdering
Søkjarar som ikkje fyller dei generelle opptakskrava, og som har fylt 23 år, kan søke om opptak på grunnlag av realkompetanse.
Kostnader
Utdanninga er gratis
Modulbasert utdanning
Modulen er ein del av utdanninga Solenergi, lagring og nettintegrasjon, som vert tilbydd modulbasert med tre frittståande modular.
Du søker opptak til kvar enkelt modul og får karakterutskrift etter at å ha fullført og bestått.
Dersom du fullfører alle modulane, får du vitnemål for utdanninga Solenergi, lagring og nettintegrasjon på 30 studiepoeng.
Bli student
Spørsmål?
Servicetorget har telefontid mellom kl. 10:00 og 14:00 på kvardagar.
Tlf.: 55 33 78 00
E-post: fagskulenvestland@vlfk.no