Solenergi, lagring og nettintegrasjon
Studiet i solenergi, lagring og nettintegrasjon gir ei fagleg og praktisk innføring i framtidsretta energiløysingar basert på solenergi. Med denne utdanninga står du betre rusta for å møte behovet for fornybar energi og fleksiblitet i energimarknaden.
- Utdanningsform:
- Deltid, nett- og samlingsbasert
- Studiepoeng:
- 30
- Studieplan:
- Studiestad:
- Førde
Solenergi, lagring og fleksibilitet
Solenergi, lagring og nettintegrasjon er ei utdanning som vert tilbydd gjennom tre frittståande emne.
Du søker opptak til kvart enkelt emne og får karakterutskrift etter at å ha fullført og bestått.
Dersom du fullfører alle emna, får du vitnemål for utdanninga Solenergi, lagring og nettintegrasjon på 30 studiepoeng.
Kompetanse og jobbmoglegheiter
Dette studiet gir kompetanse innan planlegging og montering av solcelleanlegg, men det gir ikkje elektroautorisasjon. Alt arbeid på elektriske anlegg må utførast av ei registrert elverksemd med fagleg ansvarleg installatør og kvalifisert elektrofagarbeidar.
Oppbygging og arbeidsmåtar
Studiet blir gjennomført nettbasert med samlingar.
Utdanninga er fleksibelt tilrettelagt som deltidsstudium, og kan kombinerast med full jobb.
Fleksibel emnestruktur: Emna kan takast enkeltvis, og du får karakterutskrift etter kvart fullførte emne. Emna kan også kombinerast og byggast saman til eit samla studieløp på 30 studiepoeng: Solenergi, lagring og nettintegrasjon.
Studieløpet utgjer ikkje ei full fagskuleutdanning, men gir formell kompetanse på fagskulenivå.
Opptak
Du kan søke studieplass dersom du har dokumentasjon på fullført og bestått vidaregåande opplæring med relevant fagbrev.
Opptak på grunnlag av realkompetansevurdering
Søkjarar som ikkje fyller dei generelle opptakskrava, og som har fylt 23 år, kan søke om opptak på grunnlag av realkompetanse.
Kostnad
Utdanninga er gratis
Bli student
Spørsmål?
Servicetorget har telefontid mellom kl. 10:00 og 14:00 på kvardagar.
Tlf.: 55 33 78 00
E-post: fagskulenvestland@vlfk.no