Kvalitetsarbeid og fagleg utvikling i helsetenesta – EMNE
Systematisk kvalitetsarbeid og fagleg utvikling bidreg til betre pasienttryggleik, effektiv ressursbruk og tryggare tenester. Her får du verktøy til å leie kvalitets- og utviklingsarbeid.
- Varigheit:
- 7 veker
- Utdanningsform:
- Deltid, nettbasert
- Studiepoeng:
- 5
- Neste oppstart:
- 19. november 2026
- Studiestad:
- Bergen
I denne utdanninga arbeider vi med korleis leiing, kultur og kommunikasjon påverkar kvalitetsarbeid, prioriteringar og bruk av tilgjengelege ressursar. Du får erfaring med bruk av verktøy og data for risikovurdering, dokumentasjon og forbetring.
Gjennom arbeid med døme frå eigen praksis, lærer du å planlegge, implementere og evaluere forbetringstiltak som fremjar pasienttryggleik og berekraftig ressursbruk. Du vil også kunne formidle fagleg innsikt på ein måte som støttar læring, innovasjon og utvikling av tryggleikskultur i eiga eining.
Emnet kan takast som ei sjølvstendig vidareutdanning, eller som del av bransjeprogrammet Teamleiing i helsetenesta.
Oppbygging og arbeidsmåtar
Modulen er på 5 studiepoeng og er fleksibelt tilrettelagt som deltidsstudium over 7 veker. Det skal vere mogleg å kombinere utdanninga med å vere i full jobb. Utdanninga inneheld ikkje praksis.
Kunnskap, ferdigheiter og generell kompetanse blir utvikla gjennom refleksjonsbaserte læringsaktivitetar, mellom anna arbeid med eigne case frå yrkesutøving di, arbeid med refleksjonsnotat, rettleiing og faglege refleksjonar.
Du skal levere éi caseoppgåve og eitt refleksjonsnotat. Desse får vurderinga «Godkjent» eller «Ikkje godkjent».
Sluttvurdering skjer på grunnlag av dei to innleveringane, med vurdering «Bestått» eller «Ikkje bestått».
Opptak
Du kan søke studieplass dersom du har dokumentasjon på fullført og bestått vidaregåande opplæring med relevant fagbrev.
Sjå liste over fagbrev her.
Vitnemål som hjelpepleier og omsorgsarbeider tilsvarer det som i dag heter helsefagarbeider.
Opptak på grunnlag av realkompetansevurdering
Søkjarar som ikkje fyller dei generelle opptakskrava, og som har fylt 23 år, kan søke om opptak på grunnlag av realkompetanse.
Kostnader
Utdanninga er gratis.
Samlingsplan vinter 26/27
|
Veke |
Dato |
Undervisingsform |
|
47 |
19.11.26 |
Asynkrone læringsaktivitetar |
|
48 |
26.11.26 kl 9-13 |
Digital samling |
|
49 |
03.12.26 |
Asynkrone læringsaktivitetar |
|
50 |
10.12.26 |
Asynkrone læringsaktivitetar |
|
51 |
17.12.26 |
Asynkrone læringsaktivitetar |
|
52+53 |
juleferie |
Juleferie |
|
1 |
07.01.27 kl 9-13 |
Digital samling |
|
2 |
14.01.27 |
Asynkrone læringsaktivitetar |
|
3 |
21.01.2027 |
Asynkrone læringsaktivitetar og emneevaluering |
Teamleiing i helsetenesta
Utdanninga Teamleiing i helsetenesta vert tilbydd gjennom tre frittståande emne.
Du søker opptak til kvart enkelt emne og får karakterutskrift etter at å ha fullført og bestått.
Dersom du fullfører alle emna, får du vitnemål for utdanninga Teamleiing i helsetenesta på 15 studiepoeng.
Bli student
Spørsmål?
Servicetorget har telefontid mellom kl. 10:00 og 14:00 på kvardagar.
Tlf.: 55 33 78 00
E-post: fagskulenvestland@vlfk.no