Sirkulær økonomi og ombruk

Studiestad: Førde
Utdanningsform: Nettbasert med samlingar
Studiepoeng: 10
Varigheit: 4 månader
Kostnader: Gratis

Neste studiestart: Mars 2024
Søknadsfrist: fristen for å søke på modulen som har oppstart i mars er gått ut, men vi ynskjer å tilby denne modulen igjen til hausten. Fleire detaljar om dette leggast ut her så snart det er klart. 

Om bransjeprogrammet:

Bransjeprogrammet Sirkulær økonomi og ombruk gjev deg kunnskap om reduksjon, ombruk, gjenvinning og utnytting av dei enkelte byggematerialane, og av heile bygget ved rehabilitering. Du får mellom anna kunnskap om innovative byggemetodar og teknologiar.

Kompetanse og jobbmogelegheiter:

Du får kompetanse i ombrukskartlegging. Du får strategiar for å optimalisere ressursutnytting, avfallsreduksjon og materialgjenvinning, og vil kunne vurdere miljøpåverknaden av ulike byggemetodar og materialar. Kurset gir deg forståing for kost og nytte i vurdering av ombruk.

Denne bransjemodulen er identisk med eitt av emna i studieplanen til studiet Grønn omstilling, ei ny utdanning på 60 studiepoeng. Studentar som har fullført bransjemodulen, får denne godkjent om dei seinare vil studere Grønn omstilling.

Oppbygging og arbeidsmåtar:

Programmet er på 10 studiepoeng, og går over ca 4 månader. Kurset er nettbasert med ei fysisk og to digitale samlingar.

• Første samling er digital og skjer onsdag og torsdag 6. og 7. mars.
• Andre samling er fysisk og skjer måndag til onsdag 22. til 24. april.
• Tredje samling er digital og skjer måndag og tysdag 3. og 4. juni.

På den fysiske samlinga er det lagt opp til praktisk arbeid med lab og synfaring, med påfølgande arbeid mellom samlingane.

Undervisninga føregår på dagtid. I tillegg er det lagt opp til rettleiingsøkter på ettermiddag og kveld mellom samlingane.

I undervising og vurdering er det lagt opp til mykje prosjektarbeid, både individuelt og i gruppe.

Opptak:

Du kan søke studieplass dersom du har

• fullført og bestått vidaregåande opplæring med relevant fagbrev i
  • betongfaget
  • byggdriftarfaget
  • feiarfaget
  • glasfaget
  • isolatørfaget
  • kulde- og varmemontørfaget
  • murarfaget
  • røyrleggjarfaget
  • tak- og membrantekkjarfaget
  • trelastfaget
  • trevare- og bygginnreiingsfaget
  • tømrarfaget
  • ventilasjons- og blekkslagarfaget
• realkompetanse

Realkompetanse

Det er viktig at du sender med dokumentasjon på relevant praksis og erfaring.Les meir om opptak, realkompetanse eller utanlandsk utdanning her