Innføring i prosjektleiing - EMNE
Innføring i prosjektleiing gjev studenten innsikt i prosjekt som arbeids- og styringsform. Emnet tek føre seg sentrale metodar, organisering, partar i eit prosjekt og korleis planlegge, styre, risikovurdere og leie overordna prosessar frå mandat og oppstart til overlevering og ferdigstilling.
- Varigheit:
- 6 veker
- Utdanningsform:
- Deltid, nettbasert
- Studiepoeng:
- 5
- Søknadsfrist:
- Neste oppstart:
- November 26
- Studiestad:
- Førde
Dette nettbaserte emnet går over seks veker hausten 2026 og gjev innføring i planlegging, økonomistyring og leiing av prosjekt frå oppstart til overlevering.
Undervisninga er lagt opp med fire digitale samlingar og eige arbeid, noko som gjer det mogleg å kombinere med full jobb.
Tilbodet er gratis, gjev 5 studiepoeng. Emnet tek utgangspunkt i prosjekt innanfor bygg og anlegg, men eignar seg også for andre faggrupper.
Oppbygging og arbeidsmåtar
Innføring i prosjektleiing er eit heildigitalt emne som vert gjennomført gjennom digitale samlingar og eige arbeid mellom samlingane.
Det er krav om ei individuell skriftleg innlevering i løpet av emnet.
Sluttvurdering bestått/ikkje bestått vert gjort på grunnlag av ei individuell skriftleg innlevering.
Opptak
Det er løpande opptak.
Du kan søke studieplass dersom du har dokumentasjon på fullført og bestått vidaregåande opplæring med relevant fagbrev i:
- Anleggsgartnarfaget
- Anleggsmaskinførarfaget
- Anleggsrørleggarfaget
- Asfaltfaget
- Automatiseringsfaget
- Banemontørfaget
- Betongfaget
- Brønn- og borefaget
- Byggdriftarfaget
- Energimontør
- Feiarfaget
- Fjell- og bergverksfaget
- Forskalingssnekkar
- Fundamenteringsfaget
- Glasfaget
- Industrimålarfaget
- Isolatørfaget
- Kulde- og varmepumpemontørfaget
- Limtreproduksjonsfaget
- Murarfaget
- Målarfaget
- Røyrleggjarfaget
- Steinfaget
- Stillasbyggjarfaget
- Tak- og membrantekkjarfaget
- Trelastfaget
- Trevare- og bygginnreiingsfaget
- Tømrarfaget
- Veg- og anleggsfaget
- Vegdrift- og vegvedlikehaldsfaget
- Ventilasjons- og blekkslagarfaget
Realkompetanse
Manglar du fagbrev, men har fyllt 23 år og har relevant erfaring, då kan du søke om opptak med realkompetanse.
Kostnad
Denne utdanninga er gratis.
Samlingsplan haust 26
|
Veke |
Dato |
Tid |
Aktivitet |
|
47 |
17.11.2026 |
12:00 – 15:00 |
Samling 1: Innføring i prosjektleiing |
|
48 |
24.11.2026 |
12:00 – 15:00 |
Samling 2: Prosjektplanlegging og framdrift |
|
49 |
01.12.2026 |
12:00 – 15:00 |
Samling 3: Prosjektøkonomi og styring |
|
51 |
15.12.2026 |
12:00 – 15:00 |
Samling 4: Samhandling, rapportering og avslutning |
Frist for mappeinnlevering: 5. januar
Studentar må rekne med å sette av tid til eige arbeid mellom samlingane.
Emnepakke: Prosjektleiing i bygg og anlegg
Emnepakken Prosjektleiing i bygg og anlegg er eit praksisnært tilbod med tre emne på 5 studiepoeng kvar. Emna tek utgangspunkt i bygg og anlegg, men er også relevante for andre faggrupper.
Du søker opptak til kvart enkelt emne og får karakterutskrift etter at å ha fullført og bestått.
Emna har ein naturleg fagleg progresjon, men kan også gjennomførast enkeltvis eller i den rekkjefølgja som passar studenten og arbeidsgivar sitt behov.
Bli student
Spørsmål?
Servicetorget har telefontid mellom kl. 10:00 og 14:00 på kvardagar.
Tlf.: 55 33 78 00
E-post: fagskulenvestland@vlfk.no