Å møte: Relasjonelt arbeid og samhandling - EMNE
Dette emnet gjev studenten kompetanse på praksisnært arbeid med relasjonar, kommunikasjon, reguleringsstøtte, utfordrande åtferd, barn i sårbare livssituasjonar og samarbeid med føresette.
- Varigheit:
- 8-10 veker
- Utdanningsform:
- Deltid, nettbasert
- Studiepoeng:
- 5
- Neste oppstart:
- November 26
- Studiestad:
- Bergen
Dette emnet er eit frittståande emne i emnepakken Psykisk helse for barn og unge ved Fagskulen Vestland. Studiet er forankra i den akkrediterte fagskuleutdanninga Barn og unges psykiske helse på 60 studiepoeng, og er utvikla som eit komprimert og praksisnært tilbod med tre emne på 5 studiepoeng kvar.
Tilbodet byggjer på kompetansebehov frå tenestefeltet og skal gi tilsette som arbeider tett på barn og unge styrkt kompetanse innan psykisk helse, førebygging, relasjonelt arbeid, psykososial forståing og tidleg innsats.
Målgruppa er fagarbeidarar og assistentar som arbeider med barn og unge i sitt daglege arbeid. Tilbodet rettar seg mot yrkesaktive som har oppgåver knytt til oppfølging, støtte og samhandling rundt barn og unge, og som har behov for styrkt kompetanse innan psykisk helse for barn og unge, førebygging, relasjonelt arbeid, psykososial forståing og tidleg innsats.
Tema i dette emnet
- Relasjonskompetanse og den trygge vaksenrolla
- Kommunikasjon tilpassa alder, utvikling og behov
- Regulering og reguleringsstøtte i kvardagspraksis
- Møte med utfordrande åtferd og motstand
- Skulevegring og låg meistring
- Barn i sårbare livssituasjonar
- Medverknad og samarbeid med føresette i krevjande situasjonar
- Etiske vurderingar i konkrete møte med barn og unge
Oppbygging og arbeidsmåtar
Studiet er heildigitalt og fleksibelt og er særleg tilpassa yrkesaktive deltakarar.
Gjennomføringa er lagt opp slik at deltakarane kan kombinere studiet med arbeid. Studiet består av asynkront læringsarbeid, casebasert læring, individuelt arbeid, gruppearbeid, rettleiing og frivillige digitale samlingar.
Læringsaktivitetane tek utgangspunkt i deltakarane sin eigen arbeidssituasjon og relevante praksisnære problemstillingar.
Praktisk gjennomføring
Emnet blir hovudsakleg gjennomført asynkront. Det betyr at studenten i stor grad kan arbeide med læringsressursar, aktivitetar og oppgåver når det passar, innanfor emneperioden og dei oppgitte fristane.
Det blir gjennomført to digitale synkrone samlingar. Samlingane er ikkje obligatoriske, men deltaking blir sterkt tilrådd. På den første samlinga blir mellom anna obligatoriske læringsaktivitetar og kriteria for godkjenning gjennomgått. På den andre samlinga blir det lagt opp til fagleg oppsummering og rettleiing i grupper knytt til arbeidet med obligatoriske læringsaktivitetar. Rettleiinga kan ved behov strekkje seg noko utover oppsett tid.
Obligatoriske læringsaktivitetar (OLA)
For å bestå emnet og få 5 studiepoeng må to obligatoriske læringsaktivitetar (OLA 1 og OLA 2) vere godkjende. Studenten har inntil to forsøk på kvar OLA. OLA 1 og OLA 2 kan leverast samtidig. Dersom berre éin av aktivitetane ikkje blir godkjend ved første forsøk, er det berre denne som skal leverast på nytt.
Sluttvurdering: Bestått/ikkje bestått
Opptak
Du kan søke studieplass dersom du har dokumentasjon på fullført og bestått vidaregåande opplæring med relevant fagbrev.
Fagbrev og svennebrev som kvalifiserer til opptak
- Helse- og oppvekstfag
- Aktivitørfaget
- Ambulansefaget
- Apotekteknikk
- Fotterapi
- Helsearbeidarfaget
- Helsesekretær
- Hudterapi
- Ortopediteknikkfaget
- Portørfaget
- Tannhelsesekretær
Vitnemål som hjelpepleier og omsorgsarbeider tilsvarer det som i dag heter helsefagarbeider. Opptak på grunnlag av realkompetansevurdering
Søkjarar som ikkje fyller dei generelle opptakskrava, og som har fylt 23 år, kan søke om opptak på grunnlag av realkompetanse.
Kostnader
Utdanninga er gratis.
Samlingsplan vinter 26/27
Neste gjennomføring av dette emnet er planlagt med oppstart i november 2026 og avslutning i januar 27.
Detaljert samlingsplan vert publisert i samband med utlysing av emnet.
Emnepakke: Psykisk helse for barn og unge
Emnepakken Psykisk helse for barn og unge er eit komprimert og praksisnært tilbod med tre emne på 5 studiepoeng kvar.
Du søker opptak til kvart enkelt emne og får karakterutskrift etter at å ha fullført og bestått.
Emna har ein naturleg fagleg progresjon, men kan også gjennomførast enkeltvis og i den rekkjefølgja som passar studenten og arbeidsgivar sitt behov.
Bli student
Spørsmål?
Servicetorget har telefontid mellom kl. 10:00 og 14:00 på kvardagar.
Tlf.: 55 33 78 00
E-post: fagskulenvestland@vlfk.no